Yfirtökuskylda mun ekki skapast í Origo

„Það er rétt að halda því til haga að við erum með þetta valkvæða tilboð en höfum verið að uppfylla öll skilyrði fyrir skyldubundnu tilboði og þegar tiboðinu lýkur 22. febrúar ber okkur ekki skylda til þess að kaupa fleiri bréf af einum eða neinum.“

Þetta segir Gunnar Páll Tryggvason, framkvæmdastjóri Alfa framtaks, en sjóður í stýringu fyrirtækisins hefur gert öllum hluthöfum Origo tilboð í bréf þeirra á genginu 101 en tilboðsfresturinn rennur út 22. febrúar næstkomandi.

Þegar tilboðið var lagt formlega fram var sjóðurinn kominn með tæplega 30% hlut í fyrirtækinu en tilboðsverðið er 14,4% yfir veltuleiðréttu meðalverði hlutabréfa Origo að teknu tilliti til sölu Origo á hlut sínum í fyrirtækinu Tempo til erlendra aðila fyrir á þriðja tug milljarða undir lok síðasta árs.

Sjá umbreytingatækifæri hjá Origo

Lestu meira um málið í ViðskiptaMogganum í dag.