Ólík­legt er að gjaldþrot Silicon Valley bank komi til með að valda keðju­verk­andi áhrif­um á aðra banka. Bank­inn hafi að mestu lánað til sprota­fyr­ir­tækja sem og bundið trúss sitt við raf­mynt­ir. Áhrif­in á Íslandi verða að lík­ind­um hverf­andi og lít­il á alþjóðamarkaði.

Er þetta mat Snorra Jak­obs­son­ar, eig­anda grein­ing­ar­fyr­ir­tæk­is­ins Jak­obs­son capital, spurður um áhrif gjaldþrots­ins. 

„Þetta kem­ur kannski ekk­ert rosa­lega á óvart í ljósi þess að vext­ir hafa hækkað mjög mikið. Það dreg­ur mjög úr pen­inga­magni í um­ferð sem aft­ur bitn­ar á raf­mynt­um og ný­sköp­un­ar­fyr­ir­tækj­um sem þurfa hvað mest á fjár­magn­inu að halda,“ seg­ir Snorri.

Lög­regla við Silicon Valley bank eft­ir að bank­inn var lýst­ur gjaldþrota. AFP

Hann seg­ir að Silicon Valley sé lít­ill banki og þekkt sé að sprota­fyr­ir­tæki séu viðkvæm í því um­hverfi þar sem pen­inga­magn minnk­ar í um­ferð. 

Frétt af mbl.is

Stærsta gjaldþrot banka frá hruni

„Þetta um­hverfi hef­ur lang­sam­lega mest áhrif á fyr­ir­tæki sem vant­ar fjár­magn. Ung fyr­ir­tæki sem hafa séð fram á að skila fjár­magni eft­ir kannski 3-5 ár,“ seg­ir Snorri.

Tengd­ar frétt­ir

Gjaldþrot banka

Samþykkja yf­ir­töku á Cred­it Suis­se

• Fjár­festi í öll­um bönk­un­um áður en þeir féllu
• Banka­hrunið hafi ekki bein áhrif á Ísland
• Tel­ur banka­kaup­in hafa lægt öld­ur á markaði
• Ann­ar banki fell­ur í Banda­ríkj­un­um

» Fleiri tengd­ar frétt­ir

• Blogga um frétt