Sektuð fyrir að greina ekki frá launuðum auglýsingum
Setja bókamerki
Fjármálaeftirlit Bandaríkjanna hefur sektað fjölda þekktra einstaklinga fyrir að auglýsa rafmyntaverðbréf (e. cryptocurrency asset securities) Tronix (TRX) og BitTorrent (BTT) á samfélagmiðlum án þess að gefa upp að þeim hafi verið greitt fyrir.
Meðal þeirra sem hafa verið sektuð er leikkonan Lindsay Lohan. Lohan er sögð hafa verið ómeðvituð um skylduna til þess að greina frá að um kostaða auglýsingu væri að ræða. Eftir tiltal frá verðbréfa- og kaupþingsnefnd hafi hún greitt meira en 5,6 milljónir króna í sekt. Innifaldnar voru þær 1,4 milljónir króna sem hún fékk greitt fyrir auglýsinguna.
Tónlistarmennirnir Akon, Ne-Yo og Lil Yachty ásamt skemmtikraftinum Jake Paul, voru meðal þeirra sem hlutu sekt og sömdu við nefndina. Heildarupphæðin sem að nefndin krafðist frá þeim sem sektaðir voru var 400 þúsund Bandaríkjadalir eða 56,7 milljónir króna.
AP greinir frá því að ekki hafi allir sem að nefndin sakaði um verknaðinn verið viljugir til þess að semja. Þar má nefna tónlistarmennina Soulja Boy og Austin Mahone.
Hraunið náð Njarðvíkuræð: Fylgjast með raflínu
Átti ekki að láta pirring bitna á sjúklingi
Hraun fór yfir Grindavíkurveg
„Má segja að þetta gos hafi þjófstartað“
Virknin dregist saman um 600 metra
Hvað gerðist eiginlega í VMA?
Á algjöru frumstigi eftir þrjár vikur af verkfalli