Skrifstofusetur opnað á Siglufirði

Áslaug Arna Sigurbjörnsdóttir, háskóla-, iðnaðar- og nýsköpunarráðherra, opnaði nýlega nýtt skrifstofusetur Regus á Siglufirði. Þar er að finna 24 starfsstöðvar, bæði í opnum og lokuðum rýmum.

„Það er ánægjulegt að einkaframtakið mæti með skrifstofurými, meðal annars fyrir störf sem eru óháð staðsetningu,“ sagði Áslaug Arna við opnun setursins.

„Við erum hæstánægð með að vera komin til Siglufjarðar og hlökkum til samstarfsins við bæjarbúa og gesti,“ segir Erna Karla Guðjónsdóttir, framkvæmdastjóri Regus á Íslandi, í tilkynningu.