Landsvirkjun greiðir 20 milljarða í arð

Landsvirkjun hyggst greiða 20 milljarða arð í ríkissjóð fyrir árið 2022. Þetta var samþykkt á aðalfundi fyrr í dag. Þetta kemur fram í tilkynningu Landsvirkjunar.

Þá var jafnframt skýrsla stjórnar og samstæðureikningur fyrir liðið reikningsár staðfest og Deloitte var kosið endurskoðunarfyrirtæki Landsvirkjunar. 

Engar breytingar voru gerðar á stjórn eða varastjórn á fundinum. Var Jónas Þór Guðmundsson endurkjörinn formaður og Jón Björn Hákonarson endurkjörinn varaformaður. 

• Blogga um frétt