Lítilsháttar tekjuaukning milli ára

Tekjur Símans jukust lítillega á milli ára á fyrsta fjórðungi þessa árs, um 3,4%, og námu 6,3 mö. kr. að því er fram kemur í uppgjöri félagsins sem birt var í gær. EBITDA-hagnaður félagsins stóð í stað á milli ára og nam um 1,3 mö. kr. Hagnaður dróst þó saman um 500 m.kr. vegna mikilla fjárfestinga í sjónvarpsefni og tækni sem félagið segir að muni styðja við tekjuvöxt til lengri tíma. Orri Hauksson, forstjóri Símans, segir í tilkynningu að kostnaður hafi aukist milli ára með samningsbundnum launahækkunum og hröðum afskriftum af fjárfestingum og birgjasamningum.