Forstjóri JPMorgan Chase, Jamie Dimon, vonast til þess að kaupin á First Republic bankanum af Trygg­inga­sjóði inni­stæðueig­enda í Banda­ríkj­un­um, FDIC, muni lægja öldurnar á bankamarkaði.

„Vonandi mun þetta koma á stöðuglega,“ sagði Dimon við fjölmiðla áður en hlutabréfamarkaðir opnuðu í Bandaríkjunum í dag. 

Eft­ir­litsaðilar í Banda­ríkj­un­um lögðu í nótt hald á eign­ir á First Repu­blic bankanum í Kali­forn­íu en bank­inn var strax í kjölfarið keypt­ur af JP­Morg­an Chase.

Frétt af mbl.is

Annar banki fellur í Bandaríkjunum

Ástandið betra fyrir banka

„Engin kristalskúla er fullkomin, en já, ég tel að bankakerfið sé mjög stöðugt. Þessum hluta ástandsins er lokið,“ sagði Dimon.

Varaði hann þó við því þótt að aðstæður væru nú betri fyrir bankakerfið, að blikur væru enn á lofti á húsnæðismarkaði með hækkun stýrivaxta og samdrætti í efnahagskerfinu.

„En í bili ættum við að draga djúpt að okkur andann,“ sagði Dimon.

Tengdar fréttir

Gjaldþrot banka

Samþykkja yfirtöku á Credit Suisse

• Fjárfesti í öllum bönkunum áður en þeir féllu
• Bankahrunið hafi ekki bein áhrif á Ísland
• Annar banki fellur í Bandaríkjunum
• Fall undirstriki kosti rafmynta

» Fleiri tengdar fréttir

• Blogga um frétt