María nýr lögfræðingur Viðskiptaráðs

María Guðjónsdóttir hefur verið ráðinn nýr lögfræðingur Viðskiptaráðs. 

Í stöðu lögfræðings hjá Viðskiptaráði mun María m.a. sinna lögfræðilegri ráðgjöf gagnvart framkvæmdastjóra og stjórn, annast umsagna- og skýrslugerð og taka þátt í málefnastarfi ráðsins ásamt því að halda utan um starfsemi Gerðardóms Viðskiptaráðs Íslands.

Áður starfaði María á vettvangi Stjórnarráðsins, og kemur til Viðskiptaráðs frá háskóla-, iðnaðar- og nýsköpunarráðuneytinu. Í starfi sínu innan Stjórnarráðsins hefur hún komið að fjölbreyttum verkefnum m.a. á sviði stefnumótunar og innleiðingar, hjá félags- og barnamálaráðuneytinu, forsætisráðuneytinu og víðar.

Áður starfaði María sem aðstoðarmaður dómara og á lögmannsstofu sem löglærður fulltrúi, en hún er með meistarapróf í lögfræði frá Háskóla Íslands. Hún tekur við starfinu af Öglu Eir Vilhjálmsdóttur, sem hefur starfað hjá ráðinu síðan 2018. 

Frétt af mbl.is

Agla Eir nýr lögfræðingur Viðskiptaráðs

• Blogga um frétt