„Markmið okkar í málinu er einfalt, það er að taka á umfangsmiklum fortíðarvanda og draga úr tjóni skattgreiðenda og komandi kynslóða um leið og skuldbindingar ríkissjóðs eru virtar.“ segir Bjarni Benediktsson, fjármála- og efnahagsráðherra, varðandi athugasemdir tuttugu lífeyrissjóða við áformaskjali hans um slit og uppgjör á ÍL-sjóði.

Í skriflegu svari til mbl.is, sagði Bjarni ágætt að fá fram athugasemdir og ábendingar. Hann hyggist þó ekki bregðast sérstaklega við þeim að svo stöddu, þar sem þær virðist við fyrstu sýn ekki koma nýjum sjónarmiðum á framfæri. 

Frétt af mbl.is

Felur í sér eignarnám og er andstætt stjórnarskrá

„Geta hvílt rólegir í þeirri samfæringu“

Tuttugu lífeyrissjóðir gerðu athugasemdir við áformaskjal ráðherra um slit og uppgjör á ÍL-sjóði, og sögðu fyrirhugaða löggjöf tilraun til þess að sniðganga fjár­hags­leg­ar skuld­bind­ing­ar rík­is­ins sem fæli í sér eignarnám og væri andstæð stjórnarskrá. 

Í svari við fyrirspurn blaðamanns sagði Bjarni: „Setji maður sig i spor þeirra sem hagsmuna hafa að gæta og telja allar slíkar hugmyndir bótaskylda lögleysu er væntanlega lítið að óttast. Þeir færa fyrir því rök að þeirra staða sé óhaghagganleg og geta þá væntanlega hvílt rólegir í þeirri sannfæringu.“

„Þetta fólk segir allt að þróast á verri veg“

Í athugasemdum lífeyrissjóðanna kom einnig fram að áform fjár­mála- og efna­hags­ráðherra séu til þess fall­in að kasta rýrð á orðspor ís­lenska rík­is­ins og trú­verðug­leika á fjár­mála­markaði. 

Bjarni segir hins vegar litla innistæðu fyrir slíkum stóryrðum.

„Þegar spurt um orðspor og trúverðugleika ríkisins á fjármálamörkuðum má minna á í vikunni féllu stór orð stjórnarandstæðinga í þinginu, fluttar um það langar ræður og pistla skrifaðir. Í gærkvöldi bárust þær fréttir hins vegar að S&P hefði breytt horfum um lánshæfi ríkissjóðs úr stöðugum í jákvæðar, samhliða góðri umsögn. Það sýnir betur en nokkuð annað hve lítil innistæða er fyrir þessum stóryrðum. Lánshæfi ríkisins er að styrkjast á sama tíma og þetta fólk segir allt að þróast á verri veg.“

Tengdar fréttir

ÍL-sjóður

Milljarða taprekstur á næstu árum

• Segja alvarlegs misskilnings gæta í orðum ráðherra
• Gjaldþrot ÍL-sjóðs gæti haft áhrif á fjármálastöðugleika
• Enn þarf ÍLS ekki að lækka uppgreiðslugjald
• Hefja viðræður vegna uppgjörs á ÍL-sjóði

» Fleiri tengdar fréttir

• Blogga um frétt