Íslandsbanki spáir lægri verðbólgu

Greiningardeild Íslandsbanka spáir því í nýrri greiningu að ársverðbólga mælist 8,7% í júnímánuði. Það yrði í fyrsta skipti í ár þar sem ársverðbólgan fer undir 9%. Telur bankinn að verðbólga hjaðni á næstunni og nokkuð hratt á allra næstu mánuðum. Enn sé þó langur vegur fram undan þar til verðbólga verður í samræmi við markmið Seðlabankans.

Það sem skýrir mánaðarhækkunina að mestu að mati bankans er hækkun á húsnæðisliðnum auk þess sem matvörur og flugfargjöld hækka í verði. „Við spáum því að verðbólgutoppnum hafi verið náð í febrúar og verðbólgan haldi áfram að hjaðna. Næstu mánuði hjaðnar verðbólgan væntanlega frekar hratt en svo hægar þegar líða tekur á árið.“

Hagstofan birtir vísitölu neysluverðs fyrir mánuðinn þann 28. júní næstkomandi.

• Blogga um frétt