Áfengi afhent á sunnudögum í Costco
Setja bókamerki
Samkvæmt upplýsingum frá Costco munu viðskiptavinir geta pantað áfengi og fengið það afhent á sunnudögum eins og aðra vikudaga.
Eins og fram hefur komið ákvað verslunin að bjóða einstaklingum áfengi í netsölu og hófst hún í fyrradag. Til þessa hefur áfengi einungis verið í boði fyrir heildsala.
Athygli vekur að samkvæmt áfengislögum er óheimilt að afhenda áfengi á helgidögum þjóðkirkjunnar. Sunnudagar eru skilgreindir sem helgidagar í helgidagalögum.
Þá fengust þær upplýsingar frá Costco að fyrirtækið seldi um eitt þúsund einingar af áfengi í fyrradag eftir að upplýst var um netsöluna.
Þegar blaðamann bar að garði í Costco var löng röð í áfengissölu hluta verslunarinnar. Margir völdu að klára matvöruinnkaupin með því að staldra við og ná sér í áfengi.
Fyrirkomulagið er þannig að á afgirtum hluta verslunarinnar er áfengið geymt. Viðskiptavinir geta því pantað áfengi á netinu með um 5-10 mínútna fyrirvara og sótt vörurnar í framhaldinu.
Frestar skerðingum fyrir norðan og austan
Þórður mun ekki taka þingsæti
Óvissustigi á Vestfjörðum aflýst
Allt frá nokkrum tímum upp í viku í nýrri miðstöð
Óeðlilegt að sama gjald verði tekið óháð þyngd
„Það er sárt að svona fór“
Greiningarmiðstöð hluti af 13 landamæraaðgerðum
