Kaldi tapaði 18 mkr. og Bjórböðin 26 mkr.

Bruggverksmiðjan Kaldi var rekin með átján milljóna króna tapi á síðasta ári. Það er talsverður umsnúningur frá árinu á undan þegar félagið var rekið með sextán milljóna króna hagnaði.

Eignir Kalda námu 507 milljónum króna í lok ársins og aukast þær um ríflega 110 milljónir króna á milli ára, eða 28%.

Eigið fé bruggverksmiðjunnar er 101 milljónir króna og lækkar um átta milljónir milli ára, sem skýrist af lækkun á óráðstöfuðu eigin fé um sömu upphæð.

Eiginfjárhlutfall félagsins er 20%.

Tekjur Kalda voru 423 milljónir árið 2022 og jukust um 4,5% milli ára.

Tekjur Bjórbaða drógust saman

Bjórböðin, sem Kaldi á 31% hlut í töpuðu 26 milljónum króna árið 2022 samanborið við 4,2 milljóna króna hagnað árið á undan.

Tekjur Bjórbaðanna drógust lítillega saman á milli ára. Þær voru tæpar 110 milljónir 2022 en 112 milljónir 2021.

• Blogga um frétt