Bankasýsla ríkisins hefur brugðist við sáttargjörð Íslandsbanka og fjármálaeftirlits Seðlabankans, með því að fara fram á að boðað verði til hluthafafundar í Íslandsbanka. Þá lýsir Bankasýslan miklum vonbrigðum með vinnubrögð Íslandsbanka. Þetta kemur fram í tilkynningu frá Bankasýslunni.

Í tilkynningunni segir enn fremur:

„Bankasýsla ríkisins lýsir yfir miklum vonbrigðum með vinnubrögð Íslandsbanka við útboð á 22,5% eignarhlut ríkisins í bankanum þann 22. mars 2022 í ljósi þess sem fram kemur í nýgerðri sátt bankans við fjármálaeftirlit Seðlabanka Íslands.“

Frétt af mbl.is

Birna Einarsdóttir: Við drögum lærdóm af þessu

Enn fremur segir að Íslandsbanki hafi með sáttinni gengist við því að hafa gerst brotlegur við ákvæði laga um markaði fyrir fjármálagerninga og laga um fjármálafyrirtæki og það sé ljóst að misbrestur á fylgni bankans við lög og reglur er til þess fallinn að rýra traust almennings til fjármálafyrirtækja.

Bankasýslan líti málið alvarlegum augum, þar sem stofnunin fari enn með 42,5 % eignarhlut í Íslandsbanka og verulega hagsmuni ríkisins í öðrum fjármálafyrirtækjum.

Íslandsbanki Ómar Óskarsson

Tengdar fréttir

Sala á hlut ríkisins í Íslandsbanka

Ekki eins og jólasveinn á hreindýrssleða

• Fresta sölunni á Íslandsbanka
• Sigurður Ingi: „Punktur prik“
• Vill selja fyrri skammtinn fyrir áramót
• Barclays, Citi og Kvika sjá um útboð á hlutum í Íslandsbanka

» Fleiri tengdar fréttir

• Blogga um frétt