„Stjórn Neytendasamtakanna fól framkvæmdastjóra að færa viðskiptin til annars banka,“ segir Breki Karlsson, formaður Neytendasamtakanna, í samtali við mbl.is um niðurstöðu stjórnarfundar samtakanna sem rétt í þessu var að ljúka. Er ákvörðunin tekin í kjölfar sáttar Íslandsbanka við Seðlabanka Íslands um greiðslu hárrar sektar í kjölfar rannsóknar Fjármálaeftirlitsins vegna brota Íslandsbanka við sölumeðferð eignarhluta ríkisins í bankanum.

Hvetja til kosninga með veskinu

„Við munum væntanlega ekki höggva stórt skarð í viðskiptamannahóp bankans en svona siðferðislega, og táknrænt aðallega, tökum við þessa ákvörðun. Nú hefur framkvæmdastjóra verið falið að skipta um viðskiptabanka vegna þess sem fram hefur komið í fjölmiðlum. Við viljum ganga á undan með góðu fordæmi, við hvetjum jú oft félagsmenn til að kjósa með veskinu,“ heldur Breki áfram.

Frétt af mbl.is

Íhuga stöðu sína gagnvart Íslandsbanka

Segir hann Neytendasamtökin með ákvörðuninni sýna afstöðu sína til þeirra mála sem upp hafa komið í tengslum við stjórnendur bankans og „kúltúrinn í Íslandsbanka“.

Tengdar fréttir

Sala á hlut ríkisins í Íslandsbanka

Ekki eins og jólasveinn á hreindýrssleða

• Fresta sölunni á Íslandsbanka
• Sigurður Ingi: „Punktur prik“
• Vill selja fyrri skammtinn fyrir áramót
• Barclays, Citi og Kvika sjá um útboð á hlutum í Íslandsbanka

» Fleiri tengdar fréttir

• 1 blogg um fréttina

Bloggað um fréttina

• Magnús Sigurðsson: Skipulögð glæpastarfsemi