Stjórn Íslandsbanka hefur boðað til hluthafafundar í bankanum föstudaginn 28. júlí. Kosið verður í stjórn bankans, varastjórn og formann stjórnar.

Þetta kemur fram í tilkynningu frá Íslandsbanka.

Á fundinum verður einnig fjallað um sátt Íslandsbanka við fjármálaeftirlit Seðlabanka Íslands (FME) og viðbrögð Íslandsbanka við henni.

Frétt af mbl.is

Samkomulagið birt – „alvarleg brot“

Öllum hluthöfum er heimilt að sækja hluthafafund, taka þar til máls og neyta atkvæðisréttar síns. Rétt til setu á hluthafafundi hafa, auk hluthafa og umboðsmanna þeirra, endurskoðandi, stjórnarmenn og bankastjóri.

Þá er fulltrúum FME heimilt að sitja fundinn, en slíkir fulltrúar hafa hvorki tillögurétt né atkvæðisrétt á fundinum.

Fundurinn verður haldinn á Grand hótel Reykjavík föstudaginn 28. júlí klukkan ellefu.

Uppsagnir í liðinni viku

Skýrsla FME var gerð opinber á mánudag en í henni var varpað ljósi á hin ýmsu brot Íslandsbanka við útboð á hlut ríkisins í bankanum. Bankastjóri Íslandsbanka, Birna Einarsdóttir, sagði upp störfum í vikunni og Jón Guðni Ómarsson tók við stöðu bankastjóra. 

Í gær var greint frá því að Ásmundur Tryggvason, framkvæmdastjóri á sviði fyrirtækja og fjárfesta hjá banknum, væri hættur hjá bankanum. Kristín Hrönn Guðmundsdóttir hefur verið ráðin í stað hans. 

Tengdar fréttir

Sala á hlut ríkisins í Íslandsbanka

Ekki eins og jólasveinn á hreindýrssleða

• Fresta sölunni á Íslandsbanka
• Sigurður Ingi: „Punktur prik“
• Vill selja fyrri skammtinn fyrir áramót
• Barclays, Citi og Kvika sjá um útboð á hlutum í Íslandsbanka

» Fleiri tengdar fréttir

• Blogga um frétt