Kaup á jörð undir lúxushótel frágengin

Gengið hefur verið frá kaupum malasíska auðkýfingsins Vincents Tans á landsvæði undir fimm stjörnu hótel á eyðibýlinu Stardal á Kjalarnesi. Stardalur er í Mosfellssveit u.þ.b. miðja vegu milli höfuðborgarsvæðisins og Þingvalla.

Samkvæmt heimildum ViðskiptaMoggans er umsamið kaupverð landsins 300 milljónir króna með fyrirvara um samþykkt deiliskipulags. Þriðjungur kaupverðs var greiddur við undirskrift en eftirstöðvar verða greiddar að fyrirvörum uppfylltum, samkvæmt sömu heimildum.

Fimm stjörnu hótel

Eins og greint var frá í maí í fyrra í viljayfirlýsingu Reykjavíkurborgar og Berjaya Land Berhad um gerð skipulags fyrir Kýrhólaflóa, ætlar félagið að reisa fimm stjörnu 250 herbergja hótel með heilsulind, baðlóni og tengdri starfsemi á jörðinni undir merkjum Four Seaons.

Lestu meira um málið í ViðskiptaMogganum sem kom út á miðvikudag.