Tilnefningarnefnd Íslandsbanka og stjórn Bankasýslu ríkisins hafa tilnefnt sjö einstaklinga til stjórnarsetu í bankanum og tvo í varastjórn. Stjórnarkjör mun fara fram á hluthafafundi bankans sem haldinn verður föstudaginn 28. júlí næstkomandi.

Frá þessu er greint í tilkynningu frá Íslandsbanka.

Hvorki Finnur Árnason, núverandi stjórnarformaður bankans, né Ari Daníelsson, stjórnarmaður, eru tilnefndir til áframhaldandi stjórnarsetu. Þá er Guðrún Þorgeirsdóttir ekki tilnefnd til áframhaldandi stjórnarsetu en hún á sæti í stjórn bankans.

Stjórn Bankasýslu ríkisins tilnefnir þrjá einstaklinga í stjórn bankans og einn varamann en þeir eru:

• Anna Þórðardóttir, stjórnarmaður
• Agnar Tómas Möller, stjórnarmaður
• Haukur Örn Birgisson, stjórnarmaður
• Herdís Gunnarsdóttir, varastjórn

Tilnefningarnefnd Íslandsbanka leggur til að auk þeirra sem stjórn Bankasýslu ríkisins hefur tilnefnt, verði eftirtaldir einstaklingar kjörnir í stjórn Íslandsbanka:

• Linda Jónsdóttir, stjórnarmaður
• Frosti Ólafsson, stjórnarmaður
• Stefán Pétursson, stjórnarmaður
• Valgerður Skúladóttir, stjórnarmaður
• Páll Grétar Steingrímsson, varastjórn

Þá leggur tilnefningarnefnd, í samráði við stjórn Bankasýslu ríkisins, til að Linda Jónsdóttir verði kjörin formaður stjórnar.

Tengdar fréttir

Sala á hlut ríkisins í Íslandsbanka

Selja Íslandsbanka og gefa almenningi forgang

• Stefnt að afgreiðslu Íslandsbankasölu á vorþingi
• Íslandsbanki verði seldur á árinu
• Ekki eins og jólasveinn á hreindýrssleða
• Fresta sölunni á Íslandsbanka

» Fleiri tengdar fréttir

• Blogga um frétt