Tap Ljósleiðarans rúmlega þrefaldast
Setja bókamerki
Tap Ljósleiðarans á fyrri helmingi þessa árs nam tæpum 250 milljónum króna, samanborið við tæpar 72 milljónir króna á sama tímabili í fyrra. Tapið rúmlega þrefaldast á milli ára.
Ljósleiðarinn er sem kunngt er dótturfélag Orkuveitu Reykjavíkur.
Tekjur félagsins á tímabilinu námu um tveimur milljörðum króna, og hækkuðu um 200 milljónir króna á milli ára. Rekstarhagnaður félagsins (EBITDA) nam rúmlega 1,4 milljarði króna og jókst um tæpar 140 milljónir króna á milli ára. Aftur á móti hafa afskriftir og fjármagnskostnaður mikil áhrif á afkomu félagsins.
Skuldir aukast um milljarð
Vaxtaberandi skuldir Ljósleiðarans námu í lok júní um 17,1 milljarði króna og höfðu þá aukist um rúman milljarð króna frá áramótum. Fjármagnskostnaður félagsins á fyrri helmingi ársins namu um 950 milljónum króna, en eins og Morgunblaðið greindi frá undir lok síðasta árs tók félagið dýr lán til að fjármagna kaup sín á innviðum Sýnar fyrir um þrjá milljarða króna.
Ljósleiðarinn undirbýr nú hlutafjáraukningu. Sú hlutafjáraukning var boðuð um mitt ár í fyrra, án þess að fyrir lægi heimild frá eigendum félagsins, þegar tilkynnt var um kaup félagins á tveimur fjarskiptastrengjum Atlantshafsbandalagsins. Hlutafjáraukningin átti að fara fram á fyrsta ársfjórðungi þessa árs en í uppgjörstilkynningu frá félaginu í dag kemur fram að tímasetningunni verði hagað eftir markaðsaðstæðum. Þá kemur fram að nýtt hlutafé verði meðal annars nýtt til að greiða niður lán félagsins.
Starfslok framkvæmdastjórans kostaði 26 m.kr.
Erling Freyr Guðmundsson lét af störfum sem framkvæmdastjóri Ljósleiðarans fyrr í sumar eftir að hafa gegnt starfinu í um átta ár. Í árshlutauppgjöri félagsins kemur fram að gjaldfærð laun og orlof vegna starfsloka hans nemi um 26 milljónum króna.
Hraunið við bílastæði Bláa lónsins
Myndir: Grindavíkurvegur aftur undir hraun
Hraunið náð Njarðvíkuræð: Fylgjast með raflínu
Hluti bílastæðis undir hraun: Ómögulegt að meta tjón
/frimg/1/53/8/1530849.jpg)
Fatlaður drengur fær ekki þjónustu í verkfalli
Hótar Bretum og Bandaríkjamönnum
Drónamyndskeið frá hápunkti gossins í nótt
/frimg/1/53/7/1530787.jpg)
Flogið á milli ljósaskipta