Hildur Kristmundsdóttir hefur gengið til liðs við Fossa fjárfestingabanka sem viðskiptastjóri í eignastýringu bankans.
Hildur starfaði hjá Íslandsbanka frá árinu 1998, fyrst sem ráðgjafi einstaklinga í útibúi bankans í Hafnarfirði en síðar verðbréfafulltrúi í sama útibúi þar til hún tók við sem þjónustustjóri á Suðurlandsbraut. Árið 2005 tók hún við starfi útibússtjóra á Eiðistorgi til 2012 og síðar verkefnastjóri á viðskiptabankasviði í höfuðstöðvum bankans. Þá starfaði hún sem forstöðumaður á einstaklingssviði frá árinu 2017.
Hildur er með Fil.kand í sálfræði frá háskólanum í Lundi, Svíþjóð. Hún er með MBA frá Háskóla Íslands og MSc í alþjóðlegum fjármálum og bankastarfsemi frá háskólanum á Bifröst. Hún hefur einnig lokið námi í verðbréfaviðskiptum.