Birkir nýr forstöðumaður hjá Heimkaup

Birkir Karl Sigurðsson hefur tekið við sem forstöðumaður Viðskiptaþróunar hjá Heimkaup.

Birkir Karl kemur til Heimkaupa frá Samskipum þar sem hann var viðskiptastjóri í útflutningi en áður starfaði hann hjá Arion banka sem viðskiptastjóri á fyrirtækjasviði í fimm ár. Þetta kemur fram í tilkynningu. 

Hann er með BS gráðu í fjármálaverkfræði frá Háskóla Reykjavíkur og hefur lokið prófi í verðbréfamiðlun, en hann leggur nú stund við MBA nám við Háskóla Íslands samhliða vinnu. 

• Blogga um frétt