Brian Gross ráðinn forstjóri Teya

Brian Jeffrey Gross hefur verið ráðinn forstjóri fjártæknifyrirtækisins Teya.

Hann var áður meðstofnandi Pineapple Payments í borginni Pittsburgh í Bandaríkjunum, sem og hugbúnaðar- og greiðslulausnarinnar AthleteTrax.

Gross er Bandaríkjamaður, fæddur árið 1991 í Pittsburgh þar sem hann ólst upp en hann hefur verið búsettur hér á landi síðastliðin þrjú ár með fjölskyldu sinni, að því er segir í tilkynningu.

Sam­býl­is­kona hans er Hannah Hjör­dís McVeety. Hún er ís­lensk, með BA gráðu í grafískri hönnun úr LHÍ og stundar nú nám á textílbraut í Myndlistarskólanum. Sam­an eiga þau fjög­urra ára gaml­an strák, Óðinn.

Á Íslandi sat Gross áður í stjórn SalesCloud og Parka þar sem hann situr enn. Þá var hann stjórnarmaður hjá borgarleikhúsinu í Pittsburg auk þess sem hann var sjálfboðaliði hjá stuðningsnetinu Big Brother/Big Sister.

• Blogga um frétt