Kaupa í DTE fyrir 330 milljónir

Nordic Secondary Fund hefur keypt almenn bréf af nokkrum af elstu hluthöfum hátæknifyrirtækisins DTE fyrir um 2,4 milljónir dala, sem sam­svarar rúm­lega 330 milljónum króna á núverandi gengi.

Í tilkynningu frá DTE kemur fram að sjóðurinn sé eina fjárfestingafélagið á Norðurlöndunum sem sérhæfir sig í fjárfestingum á útgefnum bréfum óskráðra fyrirtækja, sem hafa lokið Series-A-fjármögnun og eru á hraðri uppleið.

Þar er einnig haft eftir Peter Sandberg, stofnanda Nordic Secondary fund, að sjóðurinn hafi reynt að komast yfir hlut í fyrirtækinu í yfir tvö ár.