Kjartan Örn Sigurðsson, forstjóri raftækjaverslunarinnar Ormsson, segir að Seðlabankinn sé fyrir löngu búinn að ná árangri með stýrivaxtahækkunum sínum. Hann segir að bankinn hafi hækkað vexti of mikið og of hratt. Þá segir hann að verðbólguna sé ekki að finna í raftækjaverði eða í smásölunni. Ástæðuna sé aðallega að finna í uppgangi ferðaþjónustunnar, opinberum útgjöldum og íslensku krónunni.

Eitt ár frá tásumyndum

„Í dag er eitt ár síðan Ásgeir Jónsson seðlabankastjóri lét ummælin um „tásumyndir á Tene“ falla, þar sem hann latti fólk til að fara í sólarlandaferðir til að sporna við verðbólgunni. Á sama tíma hækkuðu stýrivextir upp í 6%. Þetta var í miðri Black Friday-viku eins og núna. Þau markaðsgögn sem við styðjumst við sýna svart á hvítu að stýrivaxtahækkunin og ummælin slógu strax á neyslu þessa stærstu verslunarviku ársins og var það fyrsta Black Friday-vikan í mörg ár sem það gerðist. Það er mitt mat og annarra að Seðlabankanum hafi tekist ætlunarverk sitt fyrir löngu, að draga úr neyslu í samfélaginu, og að hann hafi tekið of fast í bremsuna og of hratt,“ segir Kjartan ómyrkur í máli. „Allt sem bankinn ætlaði að fá út úr þessu er löngu komið fram,“ bætir hann við. „Hvað á að ganga nærri fyrirtækjum í landinu áður en menn átta sig á að það er búið að slá á neysluna,“ spyr Kjartan.

Kjartan Örn Sigurðsson forstjóri Ormsson. Kristinn Magnússon

Hann segir sölu raftækja á einstaklingsmarkaði í landinu hafa dregist saman um 6,8% það sem af er ári.

Lestu meira um málið í ViðskiptaMogganum í dag.

Tengdar fréttir

Vextir á Íslandi

Forgangsröðun sýni viljann svart á hvítu

• Persónuafsláttur hækkar í 68.691 kr.
• Verðbólgan stendur í stað
• Spá 4,7% verðbólgu í desember
• Íslandsálagið u.þ.b. eitt prósentustig

» Fleiri tengdar fréttir