Beiðni Árna Odds hafnað

Beiðni Árna Odds Þórðarsonar, fyrrverandi forstjóra Marels, um framlengingu greiðslustöðvunar var hafnað í Héraðsdómi Reykjavíkur í dag. 

Innherji greinir frá. 

Tæpur mánuður er síðan Árni Oddur hætti sem forstjóri Marel vegna ágreinings við lánveitenda sinn, Arion banka. Arion banki leysti til sín yfir 4,87% hlut Árna Odds í Eyri Invest sem á 24,67% hlut í Marel. 

Frétt af mbl.is

Árni Oddur fengið greiðslustöðvun samþykkta

Frétt af mbl.is

Árni Oddur hættir sem forstjóri Marel – Deilir við Arion banka

Í kjölfarið greindi Árni Oddur frá því að hann hefði fengið greiðslustöðvun samþykkta vegna þeirrar réttar óvissu sem skapast hefur vegna aðgerða Arion banka. 

Segir í umfjöllun Innherja að úrskurður héraðsdóms hafi komið í kjölfar munnlegs málflutnings síðasta föstudag. Tókust þar á aðstoðarmaður Árna Odds í greiðslustöðvuninni og lögmaður Landsbankans. 

Landsbankinn er kröfuhafi á hendur Árna Odds og er m.a. lánveitandi Árna Odds Þórðarsonar ehf., sem á 1,3% hlut í Eyri Invest. Í frétt Innherja segir að Landsbankinn hafi einnig gert veðkall í bréf Árna Odds – sem hann hélt á í gegnum framangreint félag – en aðhafðist ekki áður en Árni Oddur fékk samþykkta greiðslustöðvun.

• Blogga um frétt