Ríkið semur við fleiri en Hreyfil

Ríkiskaup hefur gert nýjan samgöngusamning, sem tók gildi 17. nóvember sl. um samgöngumáta fyrir opinberar stofnanir og starfsmenn þeirra.

Ríkiskaup reiknar með að samningurinn velti 2 milljörðum króna á næstu fjórum árum, og markmið hans er að auka hlutdeild vistvænna bifreiða sem eru í þjónustu hjá hinu opinbera. Þá er samningnum ætlað að auka eftirspurn eftir umhverfisvænum samgöngulausnum, svo sem ferðir starfsmanna til og frá vinnu með vistvænum samgöngum og akstur á vegum ráðuneyta- með endurnýjun eigin bifreiða.

Fleiri samgöngumátar

Samningurinn gerir opinberum stofnunum kleift að velja á milli þrenns konar samgönguferðamáta frá þremur þjónustuaðilum sem Ríkiskaup tók tilboð frá. Þannig geta stofnanir í fyrsta lagi valið á milli leigubílaaksturs með Hreyfli, Hopp eða Taxi Service. Auk þess er hægt að nýta hjól eða rafskútur frá Hopp og Zolo, og í þriðja lagi deilibifreiðar Hopps. 

Ríkið vill efla samkeppni á leigubílamarkaði með kaupmætti sínum

Samningurinn byggir á nýjum lögum um leigubíla sem hefur opnað fyrir samkeppni á leigubílamarkaði. Pétur Sigurðursson verkefnastjóri Ríkiskaupa segir í samtali við Morgunblaðið að fyrri samningurinn var gerður á grundvelli eldri laga við eitt fyrirtæki sem hafði einokunarstöðu á leigubílamarkaði. „Við erum að stíga stór skref í að efla markaðinn með okkar kaupmætti, sem mun stuðla að umhverfisvænni samgöngum og jafnframt efla samkeppni á leigubílamarkaði.

Nánari umfjöllun er að finna í Morgunblaðinu í dag

• Blogga um frétt