Ragnar ráðinn framkvæmdastjóri ráðgjafasviðs Wise

Upplýsingafyrirtækið Wise hefur ráðið Ragnar Má Magnússon sem framkvæmdastjóra ráðgjafasviðs fyrirtækisins. Stefán Þór Stefánsson fær nýtt hlutverk innan Wise sem framkvæmdastjóri nýstofnaðs sölu- og markaðssviðs. Þetta kemur fram í tilkynningu frá Wise.

„Ragnar hefur yfir 20 ára reynslu á sviði upplýsingatækni og hefur m.a. byggt upp greiningardeildir, stýrt hugbúnaðarþróun og leitt stafræn umbreytingarverkefni,“ segir í tilkynningunni.

Ragnar hefur meðal annars starfað hjá Össuri og Advania. Hann er með meistaragráðu í stjórnun með áherslu á þjónandi forystu frá Háskólanum á Bifröst. Hann er með B.Sc.-gráðu í tölvunarfræði frá Háskólanum í Reykjavík.

Frétt af mbl.is

Wise kaupir Þekkingu

• Blogga um frétt