Hlutabréf í bandaríska flugvélaframleiðandanum Boeing lækkuðu talsvert í dag eftir opnun markaða í Bandaríkjunum. Nam lækkunin fyrst um 9%, áður en þau fóru örlítið að færast upp á við á ný, en þegar þetta er skrifað nemur lækkun dagsins um 8%.

Lækkunina má rekja til atviks á föstudaginn þegar Boeing 737 Max 9 vél flugfélagsins Alaska Airlines þurfti að nauðlenda eftir að hleri í farþegarýminu gaf sig þegar vélin var nýlega komin í loftið þannig að opið var úr farþegarýminu og út. Lenti vélin fljótlega í kjölfarið og sakaði engan.

Frétt af mbl.is

Kyrrsetja 170 Boeing 737 flugvélar

Bandarísk flugmálayfirvöld ákváðu eftir þetta atvik að kyrrsetja 171 Boeing 737 Max 9 vélar og kröfðust þau tafarlausar skoðunar á vélunum.

Fjárfestar virðast hafa tekið fréttum af þessu atviki alvarlega, en flugvélaframleiðandinn fór í gegnum nokkuð erfiða tíma í kjölfar tveggja mannskæðra flugslysa á 737 Max flugvélum árin 2018 og 2019.

Frétt af mbl.is

Hurð Boeing-vélarinnar fundin

Dow Jones-hlutabréfavísitalan í Bandaríkjunum lækkaði um 0,4% í fyrstu viðskiptum dagsins og var það að stórum hluta rekið til lækkunar Boeing.

Hlutabréf í nokkrum flugfélögum hafa einnig lækkað í dag. Þannig hafa bréf Spirit lækkað um 15% og í Alaska Airlines um 4,2%.

Icelandair notast við Boeing 737 Max 9 vélar, en ekki þótti ástæða til að kyrrsetja þær. Tengist atvikið ekki búnaði sem er til staðar í vélum flugfélagsins.

Frétt af mbl.is

Vélar Icelandair ekki kyrrsettar

Tengdar fréttir

Boeing

Höfnuðu samningnum og samþykktu verkfall

• Boeing frestar flugprófunum á 777X-breiðþotu
• Boeing játar sök
• Samþykktu umdeildan launapakka
• Rannsaka hvort starfsmenn hafi falsað gögn

» Fleiri tengdar fréttir

• Blogga um frétt