Sé litið til skipulags vinnumarkaðarins á Íslandi verður hann að teljast fársjúkur borið saman við hin ríki Norðurlanda.

Þetta segir Þorsteinn Víglundsson, forstjóri Hornsteins, í nýjasta þætti Dagmála en þar skyggnist hann yfir sviðið þar sem Samtök atvinnulífsins og hin svokallaða breiðfylking félaga innan ASÍ reyna til þrautar að ná nýjum kjarasamningum. Þorsteinn er jafnframt fyrrverandi framkvæmdastjóri Samtaka atvinnulífsins og ráðherra félagsmála. 

Renna sitt skeið

Núgildandi samningar renna sitt skeið á enda innan fárra daga. „Þetta er sameiginlegt verkefni okkar. Öll hin norrænu löndin hafa talsvert fastari tæki fyrir ríkissáttasemjara til að grípa til en við höfum hér. Við höfum einstaklega veikt embætti og við erum með einstaklega veikan vinnumarkað, við erum með fársjúkan vinnumarkað miðað við hin norrænu löndin. Og með einhverjum hætti verðum við að taka á því. Æskilegast væri hins vegar að aðilar vinnumarkaðarins semdu sín á milli um þessar meginreglur vinnumarkaðarins,“ segir Þorsteinn.

Lestu meira um málið í ViðskiptaMogganum í dag.

Vongóður um að sátt náist á vinnumarkaði

Tengdar fréttir

Kjaraviðræður

Alvarleg staða og erfið hjá kennurum

• Vísa kjaradeilu til ríkissáttasemjara
• Ætla að koma vel lestuð á þing ASÍ
• Kjaraviðræður fara rólega í gang
• Kjarapakkinn „snýttur út úr nös á vinstristefnunni“

» Fleiri tengdar fréttir