Árni endurkjörinn formaður Samtaka iðnaðarins

Árni Sigurjónsson hefur verið endurkjörinn formaður Samtaka iðnaðarins með 98,05% atkvæða.

Var þetta tilkynnt á aðalfundi Samtaka iðnaðarins í morgun sem og úrslit kosninga til stjórnar.

Kosningaþátttaka var 84,95% en kosið var um sæti formanns og fimm almenn stjórnarsæti. Eitt framboð barst til formanns og níu framboð bárust til almennra stjórnarsæta.

Þau sem hlutu flest atkvæði og setjast í stjórn Samtaka iðnaðarins til næstu tveggja ára eru:

Arna Arnardóttir, gullsmiður.

Bergþóra Halldórsdóttir, Borealis Data Center.

Hjörtur Sigurðsson, VSB verkfræðistofa.

Jónína Guðmundsdóttir, Coripharma.

Vignir Steinþór Halldórsson, Öxar Byggingafélag.

Þau sem voru fyrir í stjórn SI:

Guðrún Halla Finnsdóttir, Norðurál.

Karl Andreassen, Ístak.

Magnús Hilmar Helgason, Launafl.

Þorsteinn Víglundsson, Eignarhaldsfélagið Hornsteinn.

• Blogga um frétt