Lyfjuappið valið verkefni og stafræn lausn ársins
Setja bókamerki
Lyfjuappið var valið verkefni ársins og stafræn lausn ársins á Íslensku vefverðlaununum sem afhent voru við hátíðlega athöfn í Hafnarhúsinu við Tryggvagötu á föstudag. Þá hreppti Hugsmiðjan þrenn verðlaun og vefur 14islands tvenn.
Þetta kemur fram í tilkynningu frá Íslensku vefverðlaununum.
Mikil fjölgun félagsmanna
Fimmtíu vefir eða stafrænar lausnir voru tilnefnd til Íslensku vefverðlaunanna en þau eru hluti af Degi vefiðnaðarins, sem Samtök vefiðnaðarins standa fyrir, og er uppskeruhátíð vefiðnaðarins á Íslandi.
„Dagur vefiðnaðarins fór fram úr okkar björtustu vonum. Þetta var stærsta og fjölmennasta verðlaunahátíð í sögu samtakanna - enda var öllu til tjaldað. Kórónuveiran hafði mikil áhrif á störf samtakanna en nú eru þau að vakna úr dvala. Það hefur orðið mikil fjölgun félagsmanna enda eru samtökin fyrir alla sem vinna í og hafa áhuga á stafrænni þróun og vegferð,“ er haft eftir Bryndísi Alexandersdóttur, stjórnarkonu í Samtökum vefiðnaðarins, í tilkynningunni.
Heiðursverðlaun veitt í fyrsta skipti
Heiðursverðlaun Samtaka vefiðnaðarins voru veitt í fyrsta skipti á föstudag, en þau eru veitt einstaklingum sem hafa lagt sitt af mörkum í þágu vefiðnaðarins í gegnum tíðina. Komu verðlaunin í hlut Möggu Dóru Ragnarsdóttur, stafræns leiðtoga hjá Mennskri ráðgjöf.
„Magga Dóra þykir fyrirmynd annarra kvenna í vefiðnaðinum og hefur án efa orðið til þess að fleiri konur en bara þær sem læra forritun leita í tæknigeirann. Hún hefur um langt skeið verið þekkt fyrir óbilandi innblástur á sviði notendamiðaðra tæknilausna,“ segir meðal annars í umsögn dómnefndar um Möggu Dóru.
Í tilkynninguinni kemur fram að i þakkarræðu sinni hafi Magga Dóra minnst á mikilvægi þess að hafa notandann alltaf í fyrirrúmi í allri hönnun og þróun.
Hér má sjá lista yfir verðlaunahafa á Íslensku vefverðlaununum:
- Verkefni ársins: Lyfjuappið. Framleiðendur: Apparatus, Vettvangur og Lyfja
- Hönnun og viðmót: 14islands.com. Framleiðendur: 14islands
- Fyrirtækjavefur ársins (lítil fyrirtæki): 14islands.com. Framleiðendur: 14islands
- Fyrirtækjavefur ársins (meðalstór fyrirtæki): Ný vefsíða Júní - juni.is. Framleiðandi: Júní
- Fyrirtækjavefur ársins (stór fyrirtæki): Alþjóðlegur vefur EFLU https://www.efla-engineers.com/. Framleiðandi: Hugsmiðjan og Efla
- Markaðsvefur ársins: Önnu Jónu Son https://onnujonuson.com. Framleiðandi: Aristide Benoist, Robbin Cenijn, Haraldur Þorleifsson
- Söluvefur ársins: Vefsala Bláa Lónsins https://www.bluelagoon.com/. Framleiðandi: Bláa Lónið, Aranja og Ataraxia
- Opinber vefur ársins: Myndlistarmiðstöð / Icelandic Art Center https://www.icelandicartcenter.is/. Framleiðendur: Hugsmiðjan, Myndlistarmiðstöð og Studio Studio
- Efnis- og fréttaveita: Annar áfangi BHM.is https://www.bhm.is/. Framleiðandi: BHM og Hugsmiðjan
- Stafræn lausn ársins: Lyfjuappið https://www.lyfja.is/thjonusta/lyfju-appid/. Framleiðandi: Apparatus, Vettvangur og Lyfja
- APP ársins: Noona appið. Framleiðendur: Noona Labs
- Samfélagsvefur ársins: Umferðin.is. Framleiðandi: Kolofon, Greipur Gíslason & Vegagerðin
- Gæluverkefni ársins: alexharri.com. Framleiðandi: Alex Harri
„Mér finnst gamla Samfylkingin komin aftur“
Bein útsending: Ríkisstjórnarsamstarfið kynnt
Þetta eru ráðherrar ríkisstjórnarinnar
„Óviðunandi eftirlit með börnum“
„Börn heima sem maður myndi vilja hafa í skjóli“
Víkingar komnir yfir 800 milljónir í greiðslur