„Þurfum ekki ríkisvætt tryggingafélag, við þurfum að selja banka“
Setja bókamerki
Tengdar fréttir
Sala á hlut ríkisins í Íslandsbanka
Þórdís Kolbrún R. Gylfadóttir, utanríkisráðherra og varaformaður Sjálfstæðisflokksins, vill fækka ríkisstofnunum um helming og segir nauðsynlegt að „selja banka“ frekar en að ríkisvæða tryggingarstofnanir.
Orðin lét hún falla á fundi Sjálfstæðisflokksins á Hilton Reykjavik Nordica í dag. Vísar hún þarna annars vegar til kaupa Landsbankans á TM, sem hún mótmælti harkalega eftir að kaupin höfðu þegar verið samþykkt. Hins vegar vísar hún til áætlaðrar sölu á hlut ríkisins í Íslandsbanka.
Þórdís hefur sagt að hún myndi einungis styðja kaupin ef Landsbankinn yrði einkavæddur, en þeirri uppástungu höfnuðu Katrín Jakobsdóttir, þáverandi forsætisráherra, og Lilja Dögg Alfreðsdóttir, menningar- og viðskiptaráðherra.
Landsbankaráði skipt út
„Við þurfum ekki að eiga banka, við þurfum að tryggja að regluverkið sé öruggt, samkeppnishæft og skýrt. Við þurfum ekki ríkisvætt tryggingafélag, við þurfum að selja banka,“ sagði Þórdís Kolbrún í ræðu, en hún er nýstigin úr fjármála- og efnahagsráðuneytinu og aftur orðin utanríkisráðherra.
Ágreiningur ríkir um hvort upplýsingaskylda Landsbankaráðs gagnvart Bankasýslunni hafi verið uppfyllt, en eins og mbl.is greindi frá í gær hyggst Bankasýslan skipta út öllu Landsbankaráði.
Bankasýslan segir kaupin fara gegn eigendastefnu ríkisins og að ekki hafi verið viðhöfð upplýsingagjöf í samræmi við samning um markmið í rekstri bankans. Á meðan segir bankaráðið að upplýsingaskylda sín hafi verði uppfyllt.
Tengdar fréttir
Sala á hlut ríkisins í Íslandsbanka
Átti ekki að láta pirring bitna á sjúklingi
Mjög alvarlegt ef Njarðvíkuræð gefur sig
„Má segja að þetta gos hafi þjófstartað“
Hluti bílastæðis undir hraun: Ómögulegt að meta tjón
Hraunið náð Njarðvíkuræð: Fylgjast með raflínu
Beint: Eldgos hafið við Stóra-Skógfell
Maskína: Framsókn í fallbaráttu
Mæðgur dæmdar til að greiða 64 milljónir