Íslandsbanki greiðir 570 milljónir í sekt
Setja bókamerki
Íslandsbanki hf. hefur þegið sáttarboð Fjármálaeftirlitsins vegna annmarka á vörnum bankans gegn peningaþvætti, sem uppgötvuðust árið 2022. Bankinn greiðir 570 milljónir króna í sekt. Þetta kemur fram í tilkynningu frá Íslandsbanka hf.
Fjármálaeftirlitið tilkynnti bankanum um annmarka á vörnum bankans eftir vettvangsathugun haustið 2022. Varnir sem voru ábótavant sneru að aðgerðum bankans gegn peningaþvætti og fjármögnun hryðjuverka.
Brotin mörg og alvarleg
„Með sáttinni fellst bankinn á það mat fjármálaeftirlitsins að brotin hafi verið mörg og varðað marga grundvallarþætti í aðgerðum gegn peningaþvættisvörnum.
Þá teljist brotin alvarleg og nokkur brot ítrekuð frá fyrri athugun fjármálaeftirlitsins á fylgni bankans við lögin sem fór fram árið 2021. Jafnframt skuldbindur bankinn sig til þess að gera viðeigandi úrbætur,“ segir í tilkynningu bankans.
470 milljónir gjaldfærðar í ár
Bankinn hefur þegar gjaldfært 100 milljónir króna vegna málsins í ársuppgjöri 2023. Þær 470 milljónir sem eftir eru verða gjaldfærðar á öðrum ársfjórðungi 2024.
Íslandsbanki hefur þegar ráðist í umfangsmiklar úrbætur vegna málaflokksins, að því er segir í tilkynningu.
Í sjokki þegar þau sáu konuna í sjónum
/frimg/1/49/73/1497352.jpg)
Hvorki Rubio né Burgum verða varaforseti
Best að skella á og hringja strax í bankann
Íranir hafna allri aðild að banatilræðinu
Höddi Magg snýr aftur í enska boltann
Við höfum „runnið til baka niður brekkuna“