Andri Þór Guðmundsson, forstjóri Ölgerðarinnar og formaður Viðskiptaráðs Íslands, hefur verið valinn viðskiptafræðingur ársins 2024.
Frá þessu er greint í tilkynningu frá Félagi viðskipta- og hagfræðinga en það veitir honum titilinn fyrir framúrskarandi störf í íslensku viðskiptalífi.
Í tilkynningunni segir að dómnefnd félagsins hafi valið Andra Þór einróma sem viðskiptafræðing ársins 2024. Hann hafi lagt mikla áherslu á að skapa jákvæða vinnustaðamenningu, gott starfsumhverfi og stutt jafnréttismál.
Andri stýrði vel heppnaðri skráningu Ölgerðarinnar á aðalmarkað Kauphallarinnar í júní árið 2022. Hann hefur unnið hjá Ölgerðinni í yfir 20 ár og hefur fyrirtækið náð miklum árangri þrátt fyrir krefjandi efnahagsaðstæður.