Vestmannaeyingar höfðu í fyrra hæstar heildartekjur á landinu ef sveitarfélög eru borin saman. Þá voru þeir með hæstar fjármagnstekjur og ráðstöfunartekjur á mann að meðaltali.
Þetta kemur fram í nýbirtum tölum Hagstofunnar en þær byggjast á skattframtölum einstaklinga í fyrra. Heildartekjur eru samtala atvinnutekna, fjármagnstekna og annarra tekna.
Seltirningar eru tekjuhæstir íbúa á höfuðborgarsvæðinu og eru Garðbæingar og Kópavogsbúar í öðru og þriðja sæti. Á hinum enda listans skipar Tjörneshreppur botnsætið yfir heildartekjur á mann að meðaltali í fyrra.
Nánar er fjallað um sveitarfélög sem hafa tekjuhæstu íbúana í Morgunblaðinu í dag.