Engar eignir fundust í þrotabúi Brunch ehf., sem var í eigu Stefáns Magnússonar kokks. Skiptum lauk í júní en lýstar kröfur námu samtals 110 milljónum króna.
Þetta kemur fram í Lögbirtingablaðinu.
Félagið var tekið til gjaldþrotaskipta í september á síðasta ári. Samkvæmt síðasta ársreikningi sem félagið skilaði fyrir árið 2021 nam tap ársins 40 milljónum króna og var eigið fé neikvætt upp á 65 milljónir.
Brunch ehf. rak veitingastaðinn Mathús Garðabæjar áður fyrr en eigendaskipti urðu fyrir tveimur árum og tók félagið MHG10 ehf. við rekstrinum. Tengist þrotabúið því veitingastaðnum ekki lengur.