Bílaleigan Höldur hagnaðist um einn milljarð króna á síðasta ára samkvæmt nýjum rekstrarreikningi félagsins fyrir síðasta ár.
Rekstrartekjur námu um 15,2 milljörðum króna og jukust lítillega milli ára, en þar af nam sala og útleiga á bílum rúmum 13,6 milljörðum. Rekstrarkostnaður nam rúmum 7,4 milljörðum en þar af var rekstarkostnaður bifreiða um 3 milljarðar og starfsmannakostnaður einnig rúmir 3 milljarðar.
Í reikningnum kemur fram að eignir félagsins hafi numið um 33.5 milljörðum, en langtímaskuldir tæpum 18 milljörðum og skammtímaskuldir tæpum 11 milljörðum.
Samkvæmt yfirlýsingu stjórnar var árið 2023 besta rekstrarár í sögu félagsins, en að sögn stjórnarinnar voru tækniumbætur á innri upplýsingakerfum félagsins megin orsök þess. Ekki liggur þó fyrir hvort arður verði greiddur út á árinu.