Velta í ferðaþjónustu eykst um 14%
Setja bókamerki
Nýjar tölur frá Hagstofu Íslands sýna að þrátt fyrir fækkun ferðamanna og gistinátta hafi velta einkennandi greina í ferðaþjónustu aukist. Þetta kemur fram í skammtímahagvísi ferðaþjónustu í júlí sem Hagstofa Íslands gefur út.
Einkennandi atvinnugreinar í ferðaþjónustu eru þær greinar sem framleiða vöru eða þjónustu sem er beintengd ferðaþjónustu, svo sem gististaði, veitingastaði, ferðaþjónustufyrirtæki, leigubílaþjónustu, leiðsögn, söfn, og aðrar afþreyingar.
Velta jókst um 14% milli ára
Samkvæmt virðisaukaskattskýrslum nam velta í ferðaþjónustu á Íslandi 129,5 milljörðum króna frá mars til apríl 2024. Þetta er um 7% meira en á sama tíma árið 2023.
Á 12 mánaða tímabili frá maí 2023 til apríl 2024 jókst velta ferðaþjónustunnar um 14% miðað við sama tímabil árið áður.
Gistinóttum erlendra gesta fækkaði um 9%
Í maí 2024 voru gistinætur á hótelum 385.759, sem er fækkun frá 415.050 í maí 2023. Gistinætur erlendra gesta voru 304.848, sem er 9% færri en á sama tíma árið áður.
Hins vegar voru gistinætur Íslendinga 80.911, sem er 2% aukning frá maí 2023.
Í júní 2024 voru brottfarir farþega frá Keflavíkurflugvelli 277.672 samanborið við 288.593 í júní 2023. Farþegar með erlent ríkisfang voru 212.391, sem er 9% fækkun frá fyrra ári.
Íslenskt tónskáld tilnefnt til Emmy verðlauna
Fjárfestingin mun hlaupa á milljörðum króna
Forstjóri Vegagerðarinnar: Bakslag í banaslysum
Ekkert komið í stað prófanna
Fyrsta ræðan eftir að hafa verið skotinn
Fjölskyldan í áfalli: Hafa borið kennsl á tvo menn