Kraftur færist í Styrkás
Setja bókamerki
Styrkás hefur keypt öll hlutabréf í fyrirtækinu Krafti. Fulltrúar fyrirtækjanna undirrituðu kaupsamninginn í dag.
Styrkás selur flutningabíla frá MAN, Palfinger og Bucher-Municipal á Íslandi. Kraftur rekur jafnframt þjónustuverkstæði fyrir MAN-bifreiðar að Vagnhöfða í Reykjavík. Kaupsamningurinn er gerður með fyrirvara um samþykki Samkeppniseftirlits og birgja.
Kraftur verður áfram rekinn sem sjálfstætt félag í kjölfar kaupanna en í tilkynningu frá Styrkási segir að stefna nýs eiganda sé að skapa hagræði og efla þjónustu við viðskiptavini.
Styrkás er í 63% eigu fjárfestingarfélagsins Skeljar og 27% eigu Horns IV slhf., framtakssjóðs í stýringu Landsbréfa.
Velta Krafts árið 2023 nam um 2 milljörðum króna og hagnaður Krafts fyrir afskriftir árið 2023 var 180 milljónir króna.
Kaupverð verður að hluta til greitt með útgáfu nýrra hluta í Styrkási og getur seljandi eignast allt að 0,94% hlut í Styrkási ef viðmið nást að fullu.
„Við munum grípa inn í“
Feðgar saman í Grænlandstúr á jólum
Spá 13-18 stiga frosti í borginni
Éljagangur en síðan slydda eða rigning
Býst við meiri aðsókn í janúar
KEF Spa: „Eitthvað sem þú hefur ekki séð áður“
Hellisheiði og Þrengsli ekki opnuð í dag