Elon Musk, forstjóri rafbílaframleiðandans Tesla, segir að fyrirtækið muni innan skamms hefja fjöldaframleiðslu á mannlegum vélmennum, og að þar verði þau tekin í notkun innan skamms, við framleiðslustörf í bílaverksmiðjum fyrirtækisins. 

Musk sagði í færslu á samfélagsmiðlinum X, að vélmennin yrðu í fyrstu aðeins tekin í gagnið innanhúss hjá Tesla, en að áætlað væri að hefja síðar sölu þeirra á almennum markaði árið 2026.

Vélmennið ber heitið Optimus, og bætist við ört vaxandi flóru mannlegra vélmenna, en fyrirtæki á borð við Honda, Boston Dynamics og Figure, hafa öll staðið að þróun slíkra véla sem einnig eru í mannslíki. Vélmenni Tesla yrði aftur á móti fyrsta slíka vélmennið sem kæmi á sölu á almennum markaði.

Mun kosta um 2,7 milljónir króna

Í frétt breska ríkisútvarpsins um málið kemur fram að þegar fjöldaframleiðslu verði náð, muni kostnaður á stöku vélmenni vera um 20.000 bandaríkjadalir, en það eru rúmar 2,7 milljónir króna.

Megintilgangur þess nú er að aðstoða við framleiðslustörf og útrýma hættulegum, endurtekningargjörnum eða leiðinlegum störfum, sem þeim geta fylgt. Að sögn Musk er þó einnig möguleiki á að vélmennin aðstoði við heimilisstörf og fleiri dagleg verkefni, en í kynningarmyndböndum hefur vélmennið sést vökva blóm og raða eggjum í eggjabakka. 

Þetta er þó ekki í fyrsta sinn sem Musk lýsir því yfir að vélmennin verði tekin í gagnið hjá Tesla, en hann hafði áður sagt að það yrði gert í ár, en vegna tæknilegra örðugleika þurfti fyrirtækið að falla frá þeim áformum. 

Frétt af mbl.is

Samþykkja að greiða Musk billjónir

Tengdar fréttir

Teboðið

Mikil líkindi milli forsíðumynda

• Binni Glee illa brenndur eftir að myndband lak á netið
• Sunneva Einars ætlar aldrei aftur á djúskúr
• Birta Líf tilkynnti óléttu í þættinum með Sunnevu
• Sunneva hefur aldrei verið á sterum

» Fleiri tengdar fréttir

• Blogga um frétt