Landsvirkjun bauð hæst í Toppstöðina

Fimm tilboð bárust í Toppstöðina að Rafstöðvarvegi 4 í Elliðaárdal. Hæsta tilboðið barst frá Landsvirkjun sem nam 725 milljónum.

Þetta kemur fram á vef Reykjavíkurborgar.

Frétt af mbl.is

Toppstöðin í Elliðaárdal komin í söluferli

Efnt til samkeppni

Borgarráð heimilaði í júní síðastliðnum að hefja söluferli á Toppstöðinni og efnt var til samkeppni þar sem fleiri þættir en kaupverð skyldu hafa áhrif við mat á tilboðum.

Tilboðin liggja nú fyrir og eru eftirfarandi samkvæmt vefsíðu borgarinnar:

1. Akstursíþróttafélag Íslands: Skipti á lóð
2. APT holdings ehf: 25 milljónir króna
3. Hilmar Ingimundarson: 420 milljónir króna
4. Iða ehf: 287,5 milljónir króna
5. Landsvirkjun: 725 milljónir króna

Tæpir 6.500 fermetrar

Greint var frá því í gær að Landsvirkjun hefði hug á að færa höfuðstöðvar sínar í Toppstöðina en þær eru nú í Katrínartúni 2 en voru áður á Háaleitisbraut 68. 

Toppstöðin er tæpir 6.500 fermetrar að stærð og er gildandi fasteignamat tæpar 775 milljónir króna, að því er segir á vefsíðu borgarinnar. 

Frétt af mbl.is

Landsvirkjun gerir tilboð í Toppstöðina

• Blogga um frétt