Sjá mikil tækifæri í úthverfunum
Setja bókamerki
Regus fagnar um þessar mundir því að tíu ár eru liðin frá opnun fyrsta skrifstofusetursins sem bauð upp á heildarlausnir og meiri sveigjanleika fyrir fyrirtæki á Íslandi stór sem smá á skrifstofum og fundarrýmum – „hybrid“ vinnuaðstöðu. Regus á heimsvísu er 33 ára.
Tómas Ragnarz, stofnandi og forstjóri fyrirtækisins, segir að frekari uppbygging sé fram undan. Regus á Íslandi sjái mikil tækifæri í að fjölga starfsstöðvum í úthverfum og á landsbyggðinni.
Hann segir að í tilefni áfangans hyggist Regus bæta við þjónustu sína og opna svokallað Regus Club House á Laugavegi 14 fyrir meðlimi sína í september.
„Þar munum við bjóða upp á kaffihús / Dixon Lounge ásamt veitingum fyrir viðskiptavini okkar. Við hyggjumst líka gefa nýjum viðskiptavinum okkar afmælisgjöf í formi hagstæðari kjara á leigu, fundarherbergjum og þjónustu og svo framvegis. Við þetta má bæta að í febrúar síðastliðnum opnuðum við 1.550 fermetra skrifstofusetur á Kirkjusandi en fyrir vorum við einnig á Hafnartorgi og í Garðabæ á Stór-Reykjavíkursvæðinu. Þannig að það er og hefur verið margt á döfinni hjá okkur,“ segir Tómas.
Nánari umfjöllun er að finna í Morgunblaðinu í gær, laugardag.
Sex gíslar fundust látnir í Rafah
Elska að tala um hvali
Bæjarstjórinn ósammála ritara Sjálfstæðisflokksins
Ísland verði ekki að „fyrirheitnu landi hælisleitenda“
„Vandamálið er ekki fólkið hérna inni“
„Bryndís Klara er dóttir mín“
Vill færa út mörkin
