Íhuga aðgerðir gegn Google

Bandaríska dómsmálaráðuneytið ætlar að krefjast þess að tæknirisinn Google geri miklar breytingar á viðskiptaháttum sínum.

Einnig er það að íhuga möguleikann á því að brjóta upp fyrirtækið eftir að úrskurður var kveðinn upp í ágúst um að það væri í einokunarstöðu.

Frétt af mbl.is

Google tapar stóru einokunarmáli

Í dómsskjali sagðist ráðuneytið íhuga aðgerðir sem fælu í sér kerfisbreytingar sem myndu hafa áhrif á eignarhald Google á snjallsímforritinu Android eða vafranum Chrome.

Dómsmálaráðuneytið sagðist einnig hugsanlega ætla að óska eftir því að sérstakir notkunarsamningar Google við önnur stórfyrirtæki á borð við Apple yrðu bannaðir.

Einnig gæti Google þurft að veita samkeppnisaðilum sínum aðgang að upplýsingum úr leitarvél fyrirtækisins.

Frétt af mbl.is

Íhuga nú að brjóta Google upp

• Blogga um frétt