Fjórir nýir stjórnendur hjá Íslandsbanka

Íslandsbanki hefur ráðið þau Árdísi Björk Jónsdóttur sem forstöðumann daglegra bankaviðskipta, Frey Guðmundsson sem forstöðumann stafrænnar þróunar, Guðmund Böðvar Guðjónsson sem deildarstjóra vörumerkis og Petru Björk Mogensen forstöðumann viðskiptaumsjónar.

Fram kemur í tilkynningu bankans að Árdís Björk Jónsdóttir komi frá Stokki Software þar sem hún hafi gegnt starfi framkvæmdastjóra frá 2021. Áður var hún yfir sjónvarps- og upplýsingatæknisviði Sýnar, stýrði verkefnastofu hjá N1, auk að starfa fyrir Advania á Íslandi og tölvuleikjaframleiðandann CCP.

Árdís lauk við diplómanámi í mannauðsstjórnun frá Háskóla Íslands árið 2007 og sama námi í verkefnastjórnun og leiðtogafærni frá sama skóla 2004.

Freyr Guðmundsson hefur undanfarin 15 ár starfað sem ráðgjafi í fjártækni, bankaþjónustu og nýsköpunargreinum í Evrópu, Asíu og Bandaríkjunum. Hann býr að mikilli reynslu á sviði vörustjórnunar og tæknilegrar forystu, stafrænna umbreytinga, leiðtogafærni og stjórnunar.

Freyr lauk BSc-gráðu í tölvunarfræði frá Háskólanum í Reykjavík árið 2003.

Guðmundur Böðvar Guðjónsson, kemur til bankans frá Símanum þar sem hann sá um markaðssetningu fyrir Sjónvarp Símans. Þar áður var hann deildarstjóri á sölu- og markaðssviði Icelandair.

Guðmundur Böðvar lauk BSc-námi í íþróttafræði frá Háskólanum í Reykjavík 2014 og MSc-prófi í markaðsfræði og alþjóðaviðskiptum frá Háskóla Íslands 2017.

Petra Björk Mogensen er með víðtæka reynslu úr fjármálageira og hefur starfað hjá Íslandsbanka frá árinu 2019. Hún hafi sinnt stefnumótandi innan bankans. Síðastliðin tvö ár hefur Petra gengt starfi vörustjóra útlánalausna og tekið þátt í innleiðingu á stafrænni stefnu bankans. Áður starfaði hún meðal annars hjá WOW air og Arion banka.

• Blogga um frétt