Yfir 500 milljarða hagnaður hjá Novo Nordisk
Setja bókamerki
Danski lyfjarisinn Novo Nordisk, sem framleiðir sykursýkis- og offitulyfin Ozempic og Wegovy, hefur birt jákvæðar afkomutölur fyrir þriðja ársfjórðung þrátt fyrir að framleiðslan hafi verið takmörkunum háð.
Fyrirtækið, sem er það verðmætasta í Evrópu og það sem helst knýr danskan efnahag áfram, segist búast við því að sala ársins 2024 verði 23 til 27 prósentum meiri en á síðasta ári.
Hagnaður jókst um 21 prósent
Novo Nordisk segir hagnaðinn hafa aukist um 21 prósent frá júlí þangað til í september. Nam hann 27,3 milljörðum danskra króna, eða um 566 milljörðum íslenskra króna.
Stóraukin sala á Ozempic og Wegovy
Sala á Wegovy, sem hefur verið samþykkt sem offitulyf í Bretlandi, Danmörku, Frakklandi, Þýskalandi, Noregi, Kína og Bandaríkjunum, jókst um 42 prósent fyrstu níu mánuði ársins.
Sala fyrirtækisins á Ozempic, sykursýkislyfi sem hefur notið vinsælda sem megrunarlyf, jókst um 54 prósent á sama tíma.
Offita er alþjóðlegt heilbrigðisvandamál og hefur áhrif á 900 milljónir manna um allan heim, þar á meðal yfir 40% fólks í Bandaríkjunum og næstum fjórðung Evrópubúa.
Móðirin hlaut 18 ára dóm
/frimg/1/21/24/1212405.jpg)
Segir Pútín ekki ætla að óska Trump til hamingju
Gular og appelsínugular viðvaranir á morgun
Segist hafa skráð nafn sitt á spjöld sögunnar
Trump nálgast 270 kjörmenn
Skora á KÍ að láta af „ólögmætum“ aðgerðum
Stefnir í milljarðshalla Gæslunnar
