Félagsbústaðir tapa án matsbreytinga
Setja bókamerki
Félagsbústaðir högnuðust um 1,2 milljarða króna á fyrstu níu mánuðum ársins en allur hagnaður félagsins er tilkominn vegna hækkunar á virði fasteignamats eigna félagsins. Hagnaðurinn verður þannig ekki innleystur nema með eignasölu.
Þetta kemur fram í árshlutareikningi Félagsbústaða sem samþykktur var af stjórn félagsins í gær.
Alls nam matsbreyting fjárfestingareigna 2,6 milljörðum króna og því ljóst að án þeirra hefði félagið tapað ríflega milljarði.
Rekstrartekjur tímabilsins námu 5,3 milljörðum króna og jukust um 10,3% milli ára, en tekjuaukningin er rakin til hærra leiguverðs sökum verðlagsbreytinga, bættri nýtingu eigna og stækkunar eignasafnsins.
Rekstrargjöld námu 2,9 milljörðum króna. Þar af námu rekstur og viðhald eigna 2,3 milljörðum króna en sá liður lækkar um tæp 9% milli ára.
Rekstrarhagnaður fyrir matsbreytingu og fjármagnsliði (EBITDA) nam 2,4 milljörðum.
Eignir félagsnins námu 162 milljörðum í lok tímabils og eiginfjárhlutfall félagsins var 53,4%.
Hópur fólks reyndi að komast að eldgosinu
„Höfum sloppið bærilega með skaða af þessu gosi“
Fullvissa ferðamenn um að hér sé öruggt
Hótar Bretum og Bandaríkjamönnum
Reiðubúin að aflýsa verkföllum í fjórum leikskólum
Viðræður ekkert þokast frá því á þriðjudag
Drónamyndskeið frá hápunkti gossins í nótt