Hæstiréttur hafnar beiðni Frigusar II

Hæstiréttur hafnaði í morgun að veita Frigus II áfrýjunarleyfi í máli félagsins gegn íslenska ríkinu og Lindarhvoli.

Frigus II krafðist skaðabóta upp á 651 milljón króna vegna sölu á hlut ríkisins í Klakka ehf. árið 2016.  

Áður höfðu bæði héraðsdómur og Landsréttur sýknað íslenska ríkið og Lindarhvol af bóta kröfum Frigusar II.  

Frétt af mbl.is

Sýknudómur í Lindarhvolsmálinu stendur

Félagið, sem er í eigu Sigurðar Valtýssonar og Ágústs og Lýðs Guðmundssonar sem kenndir eru við Bakkavör, taldi að verulegir annmarkar hefðu verið á söluferlinu sem leiddu til skaðabótaskyldu íslenska ríkisins og Lindarhvols.

Frétt af mbl.is

Sjoppulegt söluferli

Hæstiréttur taldi að úrslit málsins hefðu ekki verulegt almennt gildi og ekki heldur að þau vörðuðu sérstaklega mikilvæga hagsmuni í skilningi laga.

Þá var heldur ekki talið að málsmeðferð á fyrri dómstigum hefði verið stórlega ábótavant eða að dómur Landsréttar, sem staðfesti niðurstöðu héraðsdóms, hefði verið bersýnilega rangur að formi og efni til.  

Alls bárust Lindarhvoli þrjú tilboð í eignarhlut ríkisins í Klakka ehf., frá Ásaflöt, BLM fjárfestingum og Kviku, fyrir hönd Frigusar.  

Lindarhvoll ákvað að taka tilboði BLM fjárfestinga upp á 505 milljónir króna.  

• Blogga um frétt