Arnarlax brýtur 100 þúsund tonna múrinn
Setja bókamerki
Laxeldisfyrirtækið Arnarlax á Bíldudal náði þeim merka áfanga í síðustu viku að framleiða yfir 100 þúsund tonn af laxi frá stofnun fyrirtækisins árið 2010, en það er ígildi 500 milljón máltíða.
Í tilkynningu frá Arnarlaxi segir að fyrirtækið hafi vaxið hratt og aukið framleiðslugetu sína á sama tíma og gæðum hefuer verið viðhaldið og umhverfisáhrif framleiðslunnar lágmörkuð.
Aukin framleiðslugeta fyrirtæksins hafi verið studd á markvissan hátt með fjárfestingum í innviðum, tækni og nýsköpun til að tryggja ábyrgar og sjálfbærar framleiðsluaðferðir.
Framleiðsla aukist ár frá ári
Framleiðslan hefur aukist ár frá ári, en hún nam 6.100 tonnum árið 2016 og fór hæst í 17.800 tonn árið 2023, sem jafngidlir að meðaltali um 11.100 tonn á hverju ári. Framleiðslumöguleikar fyrirtækisins eru allt að 26.000 tonn á ári en fyrirtækið stefnir á áframhaldandi stækkun byggt á sjálfbærum framleiðsluaðferðum.
„Þetta er mikilvægur og ánægjulegur áfangi í 15 ára vegferð fyrirtæksins. Þessi árangur er afrakstur mikillar vinnu starfsfólks okkar í öllum deildum fyrirtækisins. Hvert einasta tonn staðfestir framtíðarsýn og skuldbindingu okkar við samfélagið og umhverfið. Við erum ekki aðeins að horfa á magn framleiðslunnar, heldur einnig hvernig — þannig að aðferðir okkar stuðli að lágmarksáhrifum á umhverfið.“ er haft eftir Birni Hembre, forstjóra Arnarlax í tilkynningunni.
Atvinnuuppbygging á sunnanverðum Vestfjörðum
Fram kemur að markmið fyrirtækisins hafi ávallt verið að stuðla að atvinnuuppbyggingu á sunnanverðum Vestfjörðum. Samhliða aukinni stækkun fyrirtækisins hafi starfsfólki, verktökum, þjónustuaðilum og afleiddum störfum fjölgað á svæðinu.
Þannig hafi starfsemin haft jákvæð efnahagsáhrif á svæðinu en meðalfjöldi starfsfólks hjá Arnarlaxi eru 184 og um 70% þeirra búa í sameinuðu sveitarfélagi Tálknafjarðarhrepps og Vesturbyggðar.
Þá hafi mikil þekkingaruppbygging átt sér stað á svæðinu en rík áhersla hafi verið á að ráða sérfræðinga til starfa á öllum sviðum fyrirtækisins. Sérfræðiþekking starfsmanna vegi þungt í að viðhalda stöðugri framleiðslu og vexti sem felst í því að innleiða og fylgja eftir mótvægisaðgerðum til að draga úr neikvæðum áhrifum á umhverfi og vistkerfi sjávar.
Til að tryggja gæði og framleiðni hafi fyrirtækið fjárfest í rannsóknum og þróun, innleitt nýstárlegar lausnir eins og Hybrid vinnubáta og fóðurpramma, landtenginu við fóðurpramma til að lágmarka neikvæð umhverfisáhrif.
„Laxeldi er mikilvæg atvinnugrein á Vestfjörðum og jafnframt ein af mikilvægustu atvinnugreinum Íslands og nam útflutningsverðmæti greinarinnar um 40 milljörðum króna árið 2023 eða 4,3% af vöruútflutningi þjóðarinnar og stefnir í um 5% árið 2024. Enn er rúm til vaxtar í greininni en til þess að hámarka möguleika laxeldis fyrir Ísland þarf að vera skýr laga rammi, samkeppnishæfir skattar og vilji stjórnvalda til að nýta þessa auðlind á sjálfbæran hátt. Óvissan sem greinin býr við er ekki góð fyrir neinn. Möguleikarnir eru miklir á Íslandi og útflutningstekjur af laxi geta orðið meiri en af þorskinum þegar fram líða stundir.“ segir Björn enn fremur í tilkynningunni.
ESB í hart við Kínverja og N-Kóreu
Framkvæmdir hefjast árið sem þeim átti að ljúka
Yfirmaður efnavopna rússneska hersins lést í sprengingu
Þarf að flúra á sig: „Ég hafði rangt fyrir mér“
Talið að fólk sé inni í húsum sem hrundu
Fleiri skólabörn heimsækja kirkjur
Segir þéttingarstefnuna komna í þrot