Snæfríður ráðin sviðsstjóri hafnarinnviða

J. Snæfríður Einarsdóttir hefur verið ráðin í stöðu sviðsstjóra hafnarinnviða Faxaflóahafna. Ráðningin fjölgar sviðsstjórum um einn og verða þá sex manns í framkvæmdarstjórn fyrirtækisins. 

Fram kemur í fréttatilkynningu Faxaflóahafna að Snæfríður hafi breiðan bakgrunn og víðtæka reynslu. Hún starfaði áður sem forstöðumaður öryggis- og heilsu hjá HB-Granda, stöðvarvörður hjá Landsvirkjun, ráðgjafi hjá HSE Consulting og síðustu tvö ár starfaði Snæfríður sem áhafnarstjóri hjá Eimskip.

„Það er virkilega spennandi að ganga til liðs við Faxaflóahafnir og taka í þátt í þeirri innviða þróun sem fram undan er á komandi árum. Það er áskorun og loforð Faxaflóahafna í senn að vinna í takt við þarfir samfélagsins, atvinnulífsins og umhverfisins með grænum, öruggum og skilvirkum áherslum. Þar má nefna uppbyggingu farþegamiðstöðvar á Skarfabakka og landtengingar fyrir skip“ segir J. Snæfríður Einarsdóttir í tilkynningunni.

• Blogga um frétt