Fyrsta veiðivaktin laxveiðisumarið 2024 var í morgun í Urriðafossi í Þjórsá. Tíu laxar veiddust og er það með betra móti. Fimm veiðimenn skiptu sér tveimur stöngum í rólegheita veiði og allir fengu fisk.

Laxveiðar hófust formlega í dag þegar veiði hófst í Urriðafossi í Þjórsá. Landeigendur og leigutakar, ásamt Matthíasi júdókappa, byrjuðu að veiða klukkan 8 í morgun.

Höskuldur B. Erlingsson, veiðimaður, veiðileiðsögumaður og lögregluþjónn, eða Höski lögga eins og hann er gjarnan kallaður tók sér göngutúr síðdegis upp með Blöndu að sunnanverðu.

Hnignun Atlantshafslaxins er efni ráðstefnu sem Six Rivers Iceland stendur fyrir í Vopnafirði í dag. Mæting er góð og málefnið alvarlegt. Frá aldamótum hefur Atlantshafslaxinum fækkað um helming á öllu hafsvæðinu.

Hnúðlaxaseiði hafa veiðst í þremur ám í vor. Þetta eru Selá í Vopnafirði, Miðfjarðará í Bakkafirði og Botnsá í Hvalfirði. Sérfræðingar Hafrannsóknastofnunar munu fara í fleiri ár á næstunni til að meta stöðuna.

Laxveiðitímabilið er handan við hornið. Þó að fyrsti laxinn sé kominn á land þá hefst tímabilið formlega á laugardag þegar Urriðafoss í Þjórsá opnar. Hér má sjá dagatal yfir opnanir í helstu laxveiðiánum.