Hannah Gutierrez-Reed, umsjónarmaður skotvopna og skotfæra á tökustað kvikmyndarinnar Rust, var í gær dæmd í 18 mánaða fangelsi fyrir manndráp af gáleysi. 

Kvikmyndastjórinn Halyna Hutchins lést þann 21. október 2021 eftir að skot hljóp úr skammbyssu sem að leikarinn Alec Baldwin miðaði á hana þegar verið var að undirbúa atriði. Hutchins lést samstundis. Joel Souza, leikstjóri kvikmyndarinnar Rust, hlaut minniháttar meiðsl.

Gutierrez-Reed var í kjölfarið ákærð fyrir að hafa hlaðið skammbyssuna með alvöru byssukúlum, en byssan var leikmunur. Gutierrez-Reed er sögð hafa verið timbruð þegar hún hlóð byssuna. 

Baldwin er einnig ákærður fyrir manndráp af gáleysi, en réttað verður yfir leikaranum í júlí. Verði hann fundinn sekur á hann yfir höfði sér allt að 18 mánaða fangelsisdóm.

Frétt af mbl.is

Styttist í refsiákvörðun í voðaskotsmáli

Tengdar fréttir

Poppkúltúr

Steve Buscemi kýldur á götu í New York

• Herra Hnetusmjör hitti Akon
• Kaupir réttinn að nýrri íslenskri gamanmynd
• Laufey steig á svið í þætti Jimmy Fallon
• Queen Latifah mætti ásamt kærustu sinni

» Fleiri tengdar fréttir

Alec Baldwin

Alec Baldwin áreittur af stuðningsmanni Palestínu

• Styttist í refsiákvörðun í voðaskotsmáli
• Segir Baldwin hafa verið stjórnlausan
• Eru heitustu hjónin í Hollywood að skilja?
• Fundin sek um manndráp af gáleysi

» Fleiri tengdar fréttir

• Blogga um frétt